حُبك فِ شريانى
آه يانى آه يانى
و لا ثانيه انا بانساك
و بخاف لا تنسانى
ما هوُ قلبى حَبَّك موت
زلزِلت لى كيانى
و صالِحت بيك الكون
كان قلبى وَحدانى
عايش لِوَحدُه حزين
نسيتنى أحزانى
حبك عامل لى جنان
و جنان على جنانى
و الساعة بيك بتفوت
و كأنها ثوانى
و عليك كلام فِ الحب
جابنى و ودَّانى
و للَّا نظرات عنيك
دى بجد دَبحانى
ياما نفسى اسقيك حنان
واخدَك فِ أحضانى
دانا حضنى ليك مشتاق
جَرَّب كِده حنانى
دا الحب كله ف يوم
و انا حبى شئ تانى … بقلمى / سوزان محمد
