المزيد

تجارب وشويه حاجات كده فوق بعض ..

رؤيه بقلم .. مصطفي العموري
كتير واخدها تحدي و عايش بيحارب
وكتير مكبر دماغه ومن مواجتها هارب
فيه اللي شايفها متستاهلش وفيه اللي شايفها تستاهل
فيها اللي افتري وظلم وفيها اللي اتظلم وساكت
فيها العنيد وفيها القوي وفيها الضعيف والمتسامح
وطول م انت عايش وفيها ماشي ياما تشوف وتقابل
هتلاقي ناس اللي ف قلوبها مطبوع وظاهر ع الملامح
من نظره واحده هتقدر تميز بس انت دقق وقرب واسمع
وخلي قلبك بكل اللي حواليك يبقي حاسس ..
وناس قلوبها مقفوله واللي جواها سر
ومهما غوصت ف بحورها النتيجه صفر
ولا تعرف حقيقه اللي جواه حلو ولا مر
فيهم اللي بيداري وابو وشين وفيهم اللي لغز
وفيهم الحبيس والاسير واللي عايشها وهو حر
طب ايه اللي خلانا كده مش اتخلقنا كلنا واحد
هي التجارب ايوه التربيه ومعاها شويه تجارب
خبراتنا اللي عدت ومرت
والمواقف اللي علينا وفاتت
مع الناس والصحاب والحبايب والقرايب
بتغير فينا كتير بتعلم و بتأثر
حتي لو قلنا انها جوانا ماتت
او لو عملت نسيت ومش فاكر
فيه اللي بيستحمل وساكت
وع طبعه وطبيعته بيفضل محافظ وثابت
بيلاقي سنده يقف جنبه أو بيفتكر ربه
وتلاقيه عايشها راضي ومتماسك
وفيه اللي بيتأثر
واللي حواليه بدل م يبني بيهد فيه ويكسر
ومبيقدرش يتحمل و بيتغير
اما للاحسن واما للأسوء ..
حسب شخصيته ان كان محارب ولا انهزامي او ضعيف ولا ع التحدي والدنيا قادر
الموضوع خطير ف خليكو ع بعض حنين
عشان التأثر والتأثير وافتكرو دايما ربنا عدل وكبير
هي دي الدنيا يا ساده بنبقي ع الفطره وهي بتغير وتشكل فينا بشويه مواقف و شويه تجارب
عايزين ترجعو الزمن اللي فات
ونعيش ف زمن مليان خيرات
ونرجع لايام احلي الذكريات
ومنقولش تاني اللي فات مات
وعمره م هيتعوض ده من المستحيلات
يبقي نواجه نفسنا من غير ضحك وهزار ولا افيهات
تعرف ان احنا اللي اتغيرنا اما الزمن مفيهوش اي تغيرات
كل واحد فينا يبص لنفسه بالذات
ونبطل الغش و الكدب والحوارات
ونرجع للدين والاصول والتقاليد والعادات
ومنقفش ساكتين لو شفنا غلط او اخطاء او تجاوزات
ونحس ببعض ونتعامل ك بني ادمين مش حيوانات
ونرجع حق الغلبان والتعبان والمظلوم والشحات
وكل واحد يعمل اللي عليه من واجبات
ومهام ومسؤليات و تكليفات
ورب الاسره يهتم باولاده صبيان وبنات
والكل يؤدي دوره معلمين ومسؤلين واباء وامهات
ونراقب و نهتم و نراعي و نحرص ونخاف ع اجيال
طلعت ع تكنولوجيا وتواصل وشبكات
ونبعدهم عن الخطر و التافه والتقليعات
ولادنا ثروتنا وراس مالنا مش الفلوس ولا العربيات
ولا الشركات و العقارات
نحب الخير للناس ولغيرنا وتبقي حقيقه مش شعارات
وتبقي الاخلاق هي سمتنا و صفتنا وتاج راسنا
تبقي شعارنا و هي لقبنا واساس تعاملنا
ساعتها هنعيش افراح وسعاده وضحكات
وهننسي الاحزان والبكا و الاهات
والحب م بينا يبقي بجد مش بس شعارات
او شويه كلمات
وب الالتزام و الاهتمام و الامان وستر وعفو الرحمن
هنعدي الازمات
نفوق و نصحي و نحيي اللي فينا مات
و هنحقق الامال والتطلعات والامنيات
و هنقدر نبني ونعوض ونرجع كل اللي مر وعدي و فات

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى