سمير المسلمانى
الناس فى العاشر مش لاقيه حد تشتكى له
ماحدش يعرف للعاشر ريس ؟
ياترى جهاز العاشر فايدة ايه فى العاشر؟
طيب من الذى يتحكم فى مصالح مواطنيها .جهاز العاشر ولا مجلس الامناء ولا جمعيه المستثمرين ؟
من صاحب الكلمه العليا فى العاشر!!
..ابسطها يعنى لو فيه مشكله المواطن يروح فين ..طيب الرد هيكون انه يتوجه الى الجهه المشار اليها فى المشكله .
طيب لو الوجهه متعنته يروح فين .
ليه العاشر ميكنش لها ريس ..والنبى ماحد يقولى يروح لرئيس الجهاز . !
وهو دورة ايه غير لما بيكون هناك وزير زائر العاشر بيظهر بس فى الصورة ..بس كدة لا طبعا كمان بيظهر لما بيكون فيه اجتماع لمجلس الامناء ..مع انى الحقيقه مش عارف دورمجلس الامناء ايه !! وهل هو امين ..؟ طيب على ايه امين حد يقولى امارة ..!!
او رئيس جهاز العاشر يظهر فى الصورة لتكتمل على طاوله جمعيه المستثمرين .
الناس بتسأل امتى الظلم يرفع عن البسطاء فى مدينه العاشر
الجواب
لما يكون للعاشر حد يرجع له ؟
انا مليش علاقه يكون للعاشر نائب من عدمه . ودائما الناس بتسأل النائب هيعمل ايه دا كل صاحب مصنع نائب فى نفسه !!.
الناس بتطالب
انشاء صندوق خاص اعانه لأهالي العاشر من رمضان من رجال الأعمال وأصحاب الشركات لو كل شركه دفعة حتي 500 ج شهريا للصندوق ويخصص للعلاج ومساعدات مالية
ولا الحنيه مابتظهرش غير فى رمضان وعلى ابواب الانتخابات ..مش كدة ولا اييييه!1
الناس تطالب
قانون العمل يجب تطبيقه وتعديله بقوه هناك كثير من الشركات تجبر العامل علي أن يوقع علي الاستقالة مع التعين ولذلك هناك كثير من العمال لا يعرفون أخذ حقوقهم المشروعة
متى سيعطى لهم حقوقهم.
مع المعلوم ان مكتب العمال بالعاشر التابع طبعا للقوى العامله موظفين غلابه وطبعا بيسترزقوا من رجال الاعمال ؟ وطظ فى كل العمال معقوله فيه موظف هيقدر يقف امام رجل اعمال علشان عامل مات .او أصيب…كما حدث ويحدث .. !
وارحمونا من الشلاليه والمصلجيه والحلانجيه
نتمني أن يكون في مدينة العاشر مجلس حكماء لأن هناك الكثير من الفقراء والعمال المهنيين حقهم ضائع بين بعض رجال الأعمال اللي ضمائرهم ميته هذا اكبر سبب في ضياع حقوق الكثيرين وسبب تدمير حياتهم
لى سؤال شاغلينى من سنين من اكتر من 15 عام عندما كان لى مكتب بالمجاورة الرابعه نفس كمسيونجيه الموقف هما هما مفيش تغيير أمر غريب يحتاج تفسير هل هم جبابرة الى هذا الحد ؟!!
ادارة مرور العاشر صحى النوم شويه الرحمه بمواطنى العاشر من استغلال سائقى التاكسى .وزادت بله التوك تك الناس بتئن وحدوا تسعيرة التاكسى هى العاشر كام كيلو علشان الناس تسغل الناس بالشكل دة؟
ولى سؤال يحتاج لااجابه هو موقف العاشر الجديد بعد اختلاس فلوسه وهروب المقاول وتقسيم تركته مابين المقاول ومسئول الجهاز متى سيتم العمل به وهل ياترى نفس الكمسيونجيه هما اللى هيمسكوا الموقف ؟!!
وبالمرة بما ان المواصلات نتحدث عنها مش معنى ان جهاز العاشر اللى بيشرف على موقف العاشر الحزين انه مايكونش لادارة مرور العاشر اى دور يذكر مطلوب المتابعه وضبط سير السيارات والاهتمام بالمواطنيين والعمال الغلابه خاصه يوم الخميس وفى المناسبات والاعياد وسؤالى هى الميكروباصات اللى بتحمل فوق 50 شخص يدفعوا كام للكمسيونجى ومين بيحاسبه ؟!
حد من المباحث يكون حازم ويراقب مايحدث من سائقى السرفيس للمواطنين مش كل اللى فى العاشر رجال اعمال ؟
تحديد أجرة التاكسي المغال فيها بمدينة العاشر من رمضان وتطوير السرفيس الداخلي وتحليل المواد المخدره السواقين أو تركيب كاميرات داخل الموقف لأن مايحدث من مشاكل كثيره بسبب ألفاظ السائقين وخدش الحياءتسىء لمدينه العاشر
سؤالى
لماذا اهملت العاشر عن عمد ؟ ومش بالشكل دة مش كل الموجودين فى العاشر رجال اعمال العمال دول رجاله سابوا بيوتهم علشان بيدورا على لقمه بالحلال
نتمني أن تكون مدينة العاشر من رمضان مدينه نموزجيه
