جودة عبد الرحمن
…… ـــــــــــــ…….
اعدمونى راحه لبالكم
بس يبقي فى سكات
خلتونى يوماتى العن
خدى لو اتزار بالبوسات
وافرموا الهوا اللى جاي
حلمه يطبب قلب مات
وان لاقيتوا حالكوا رايق
زيدوا فى ضرب الصيات
و. الكيان اللى رسمتوا
ويا إسمي إمحوا ليه
فتشوا على حلم حلمتوا
وبالبلا غطوا عليه
إعلنوها وع الملا
إني ميت من زمان
وإن دمى حلال عليكم
وإن نوبي بخدوا هوان
د. كل وصف ليا منكم
إني واحد م العبيد
وإن مهما بشيل عنكم
الصحيح حملي يزيد
وإنها من غيرى ماشيا
وأنا فيها كماله عدد
والمراكب اللي ماراسيا
بعد مني هتزيد بالمدد
كل عله فى قاموسكم
اجعلوها باسمي بس
وإن لما الود شافكم
قدام عنادكم فاتوا حس
د. الهموم مطبوخه ليا
والعشا من غير غموس
ياللى زيفكم حواليا
وعلى بدنى عمال يدوس
خلتوا روحى شحنها فاصل
وخارجا منها محتاجه لدروس
د السعادة بابها قافل
ف وش اللى فيها صابر
بالنفاق عمرتوا المحافل
والنسيم بقي حالوا غابر
د. كل حاجه حلوه ضاعت
علمتوا قلبي يكون جبان
ولما جيت انظر لحقى
اترميت باصناف جنان
مره ان عفريت 
خطفنى
خطفنىومره غيرها مخاوى الشيطان
وصنف تاني انى أهبل
فحرام ادق ثانيا لحنان
واني عايش مستهبل
وكل حالى فاقد الزمام
وقولتوا عقلك فك منك
والمعايب ونيسه اللسان
فاعدموني راحه لبالكم
بس يبقي فى سكات
، ـــــــــــــــــــــــــــــ
…… وعجبي…….
ـــــــــــــــــــــــــــــــــ
الفقير الى الله شيخ العرب همام امــــــــــام
المظالــــــــــــــــــــيم
……
