رئيس التحرير
سمير المسلمانى
كان عندى كلمتين فى أذن السيد محافظ الشرقيه
الموقف الجديد بعد كوبرى الدمرداش حاجه تقرف ..مفيش اى نوع من الرقابه لاعلى الموقف ولا السائقين ولا الموقف اللى اتقلب لسوق عشوائى على أعلى مستوى ؟!
هل يصبح الامر صعب على تكليف عسكرى مرور بدلا من حاله الفوضى الموجودة
أعيد وأكرر السوق النموذجى اللى أتصرف عليه مبالغ كبيرة من ميزانيه الدوله موقفه أيه ؟!
هل سعادتك واخد بالك أن سويقه أبو عامر زى ماهى واللى اخد المحلات اللى ملهاش صاحب فتوات وبلطجيه والباعه الغلابه هما هما مرميين على الرصيف ؟!
جنابك أجرت نادى العائلات بالصيادين لمستثمرين لزيادة موارد المحافظه انا لست معترض على ذلك لكن فين حق أهل المنطقه من الاسم ( نادى الصيادين للعائلات) سعادتك الناس بسيطه هل يعقل أن اى حد معاة طفل من المنطقه علشان يلعب لعبتن يدفعله 100 جنيه غير رسم الدخول من فضلك راعى الناس لانك ستسأل عن ذلك .
أنا اشيد بك عندما يكون هناك قرار صائب ..من فضلك خلى مسئولى التموين ومباحث التموين يكون لها دور فى رغيف العيش اللى سعرة وصل 2 جنيه وأصبح لقمتين ومرعاة صحه الناس لان الغش أصبح فى كل شىء
الحقيقه عندى حاجات كتير عايز أقولهالك ربما تكون أفضل من تضييع الوقت فى لقاءات ملهاش لازمه .
حابب أبلغ سعادتك على موضوع القرارات الازاليه أقسم بالله ان اليوم تم ازاله سور وتم التصوير وقبل ماجهه التفيذ تتحرك تم بناء السور وسؤالى هو المهم سعادتك الصورة ولا التنفيذ ؟!
ولنا حديث أخر
