الشاعر
جودة عبد الرحمن
عشقا لزمن كان مدجج بالحب وراحه البال والرضا مهما ضاق الحال وكانت فيها البيوت من طين اما القلوب كانت تفوق الماس والنوم فوق حصير وكانت الارواح متعطره برضا وهايمه فى رحاب الواحد الديان واليوم علت سوارى البيوت للملا ولكن تسكنها قلوب فاقت عتمه ليل واشباه رجال نساء قد باعت بواقي القيم فى سوق النداله والطمع والمهانه فرحمه الله على زمن روتهوا طيبه وانبت صفا بورود الوفا الوداد ورحمه الله على من ربونا على ماهم عاشوا عليه فكانت خواطر اليوم للفقير لله حوار مع الجده التى كان حجرها سرير، ونور وجهها طريق سالك خالى من اشواك الغش والرياء والرمح خلف المصالح فخواطر اليوم بعنـــــــــــــــــــــــوان
ـــــــــــــــــــــــــــــــــ
….. فين ياجده…..
ـــــــــــــــــــــــــ
فين ياجده ايام الهنا
المنقوعه فقشطه وعسل خالي من الغش
واللمه ف حجر المصطبه
وكسره عيش متغسه بعبير المش
ياقلوب بالطيبه عاشت عمرانه
وفالاعراض ما كات تهبش
ياللى كلامك كان حكم
والضحكه منوره عالوش
اخدتي معاك الخير
وتركت بشر، قلبها رايب
تاهت المحبه ف سفر
والعدا مرتاح لحضن القرايب
ياللى زمانك كان رضا
ولا حد بيصاحب فالخطا العايب
هديتى المصطبه الجامعه
وغيرت قانون الدار
اليوم الخلايق طامعه
ترمى العتمه فالانوار
ياام مداد كان كرم
والجود مدرسه لناسك
قلبك فالضلوع التزم
وحني الوفا لمداسك
واللمه ف الدوار
تاهت روحنا ياست
والصحبه والأخيار
عشقوا البشر للت
ولا عدشى محارم لجار
حتى الرجوله اتمحت
يا مورثانا الهيبه
الكل رامح لمصلحه
دفنوا بجوارك طيبه
وكمان سليل الأدب
اللى فارقتوا العيبه
ماتردى سؤالي بحكمتك
احوالي ياجده غريبه
قالت يا نبت أرضي إستمع
اللى جاي م القول
د. الواطي لما إتمرع
قام عاب ع المعدول
يبقي الزمان إختلف
والعيبه مش فيه
العيبه فاللى إنحرف
وناظر للى ماليه
فإنسي اللى راح وإلتزم
وخليك مصاحب روحك
قرب الخلايق عدم
منهم بتزيد جروحك
ومنهم بتزيد جروحك
ـــــــــــــــــــــــــــــــــــــ
،،،،،،، وعجبي،،،،،،،،
ـــــــــــــــــــــــــــــــــ
الفقير الى الله شيخ العرب همام امـــــــــــــــــــــــــــام المظالــــــــــــــــــــيم
