الكاتبة: أمل الزهيري
متابعة……
(الفصل الاول )
(الجزء الثالث)
دخلت سمر اخت قمر سمر عمرها ١٥سنه في ثانوية وحلم عمرها تكون دكتورة
سمر:كنتي بتكلمي مين يا قمر
قمر: بكلم حد علي شغل
سمر : وبعدين معاكي ياقمر ماقولتلك انزل اشتغل معاكي واساعدك لامته هتفضلي تضحي لوحدك
قمر:اخرسي اوعي اسمعك تقولي كدا تاني انا اهم حاجه عندى انتي ولازم تكملي تعليمك وتبقي دكتورة فاهمه
سمر:وانتي ياقمر مش ناوية تكملي تعليمك انتي كنتي متفوقه وكان نفسك تكوني صحفيه ليه وقفتي حلمك كان ممكن تكملي
قمر: انا مش مهم انا اللي يهمني هو انتي لازم تنجحي انا بعمل كل دا علشانك اخوكي حاطط ايده في مايه باردة وساب تعليمه ومشي ورا شوية بلطجية تفتكرى هو دا اللي هايحقق احلامك ويصرف علي ماما وبابا انتي عارفه بابا لو كان لسه بصحته كان عرف يأدبه صح بلاش نفتح في كلام كتير مش هايقدم ولا هايأخر انتي لازم تتعلمي وانا هشتغل ونجاحك من نجاحي ،🥰
الباب خبط يلا ياقمر يلا ياسمر الغدا جاهز
قمر:حاضر ياماما خارجين حالا
سمر:انا مقدرة كل تعبك معايا واوعدك هنجح
قمر: طيب يلا بينا علشان الاكل مابيبردش 😋
(الفصل الاول)
(الجزء الرابع)
خرجوا قمر وسمر من غرفتهم وجلسوا علي طبلية الطعام وتناولوا الطعام جميعا
الاب: ايه ياقمر يابنتي عملتي ايه النهاردة وايه اللي اخرك كدا انا قلقت عليكي
قمر :معلش يابابا كنت بدور علي شغل وان شاء الله هنزل بكره الشغل
فايز : طيب كويس اهو علشان تشوفيلي اي حاجه اصرف احسن الحاله وحشه اليومين دول وابقي عرفيني هتشتغلي فين وهاتي العنوان بالمره
قمر 🤬: ليه عاوز تيجي تفضحني زى ماعملت معايا في الشغل اللي فات مش مكفيك فضايحك دى عاوز مني ايه تاني انا لما انزل الشغل واقبض هابقا اجيبلك فلوس ماتقعدش تقولي فلوس وانل لسه مامسكتش شغل كفاية احرجتني قبل كدا مع الناس اللي كنت شغاله معاهم وبسببك سيبت الشغل
فايز:ياساتر دانتي قلبك اسود اوى لسه فاكره طب خلاص ياستي
الاب: يافايز ابعد عن اختك متفتكرش اكمني عاجز مش هقدر عليك ابعد عن اختك مش هقول تاني
الام : فايز ماينفعش اللي بتعمله دا عيب روح اشتغل واصرف علي نفسك بلاش قلة ادب
الاب: وانت مش مكسوف من نفسك لما تطلب من اختك فلوس ياخي اختشي علي دمك وانزل اشتغل شغلانه محترمه تجيب منها قرش حلال
فايز : السوق اليومين دول مريح وبعدين شغلتي بتكسب بس اليومين دول مفيش شغل اعمل انا ايه
الاب : اااااه شغال بطلجي ياخي احترم نفسك واعمل حساب لاخواتك البنات
فايز: انا قايم صديتو نفسي
الاب: قوم روح في داهية دانت تصد نفس اي حد تقعد معاه بافعالك
الام: براحه علي نفسك ياسعيد انت تعبان
الاب: عاجبك عمايل ابنك
الام : معلش ربنا يهديه ادعيلة
قمر: خلاص يابابا ماتزعلش نفسك بقا ويلا ناكل علشان تلاعبني شطرنج ولا انت راحت عليك
الاب : فشر هغلبك كمان
ههههه
سمر : وأنا عليا الشاى هههههه
متابعة
