حكاية قمر ورأفت

حكايات أمل الزهيري

حكاية قمر ورأفت،،

1. الكاتبة: أمل الزهيري 

(الفصل الاول)(الجزءالاول)
تبدأ هذه القصة ببنت اسمها قمر في العقد العشرين من العمر البنت جميلة جدا ورشيقة ولكنها من اسرة فقيرة اب يدعي سعيد وام تدعي هانم والاخت سمر ١٥عام والاخ فايز هو الكبير *

بدأت القصة عندما شاهدت قمر فستان في مول كبير وبدأت تنظر اليه بشدة وتحدث نفسها !
_ياااااه لو الفستان دا بتاعي كنت زماني دلوقتي لابساه وخارجه بعربيتي ورايحة احضر حفلة بيه ياااااه وتنهدت :::
وفي نفس اللحظة كان ينظر اليها شاب من بعيد من داخل المول ويراقبها من بعيد وخرج يتأمل في جمالها وينظر اليها نظرات غريبه
وقال لها انتي جميلة جدا وجمالك مش علي حد وهو دا اللي بدور عليه انتي مين ؟
نظرت قمر اليه من فوق الي تحت نظرت تعجب فهو شاب وسيم جدا وشيك لدرجة كبيرة جدا انه رأفت حاتم صاحب مولات HR للملابس ومصنع HR وهو الوريث الوحيد لوالدة والدته ايطالية ووالده حاتم بيه مصري عصبي وعملي لأبعد الحدود

قمر:انت مين
رأفت : انا رأفت حاتم انتي مين
قمر: انا قمر
رأفت: فعلا انتي قمر والنجوم تتكسف من جمالك انتي جيتي هنا ازاي
قمر:كنت بدور علي شغل ولفت انتباهي الفستان وقفت اتفرج عليه بس انا اسفه انا همشي علطول
رأفت: تمشي تروحي فين تعالي مش بتقولي بتدورى علي شغل
قمر بلهفة:ايوة
رأفت: طيب تعالي ادخلي انا هاجيبلك فرصة ماتحلميش بيها
قمر: فرصة ايه دى وشغل ايه
رأفت : تعالي بس وانا هفهمك
قمر:انا لازم امشي حالا لاني اتاخرت كتير ومش هقدر ادخل معاك
رأفت: طيب بصي دا الكارت بتاعي كلميني وانا هاساعدك واتمني انك تكلميني

قمر: ماشي هكلمك مع السلامه🖐️

(الجزء الثاني)
ذهبت قمر الي المنزل وهي تفكر فيما جرى ودخلت المنزل
قمر:السلام عليكم

فايز الاخ: وعليكم السلام مابدرى ياهانم كل دا تأخير وياترا بقا جاية وانتي شغالة ولا لسه
قمر: انا لفيت كتير اوى علي شغل مالقيتش
فايز وهو يصرخ في وجهها: ماهو اسمعي اما اقولك انتي لازم تلاقي شغل انا مش هقدر الاحق علي طلباتكم كلكم فاهمه قدامك بكره اخر فرصة ياما تلاقي شغل ياما هجوزك للمعلم مبروك ويجي يشيل ونخلص من هم واحده ونشوف لاختك عريس هي كمان
قمر : انت اتجننت عاوز تخلي اختك اللي عندها ١٥سنه تسيب علامها زى مانا سيبته وتجوزها كمان انت ايه مفيش في قلبك رحمه
عموما انا بكره هتصرف في اي شغل واياك تجيب سيرة الجواز لاي واحده فينا😩
دخلت قمر غرفتها وهي تبكي وفجأة خطر ببالها ما قاله لها رأفت وتذكرت الكارت ،😲
قمر : الو السلام عليكم
رأفت بيه معايا
رأفت: ايوة انا انتي مين
قمر: انا قمر اللي ….
رأفت : طبعا فاكرك حد ينسي العيون دى والجمال دا
قمر : انا اسفه بس كنت عاوزة اقولك اني موافقة اشتغل مع حضرتك بس ممكن افهم طبيعة الشغل ايه
رأفت: مش الاول تيجي وتوريني السي في بتاعك وتيجي تقعدى واشوفلك المناسب ليكي ولون انا شايفك في مكان مناسب جدا بس انتي توافقي
قمر: مكان ايه حضرتك وانا في حاجه مهمه ماقولتهاش انا مكملتش تعليمي يعني معايا ثانويه عامه هتقدر تشغلني بيها
رأفت: ايه هقدر دى انتي هتشكي في قدراتي ولا ايه يعني صاحب العمل مش هايعرف يشغلك
قمر : انا اسفه بس حبيت اوضحلك
رأفت : هستناكي بكره بعد الظهر
قمر: ماشي تمام هكون عند حضرتك في الميعاد مظبوط مع السلامه،🖐️🖐️
#امل_الزهيري