بقلم: شاعر البرلس ياسين العطوى
أنا كنت الطفل اللي بيحلم
يكسر قوانين الأحلام
كان ممكن أهرب من نفسي
وأتمسك في أحبال الحلم
ولكني رضيت إني أسمعكم
واكمل دوركم في الفيلم
كان جايز
مستني لاخر لضمه
ف قميص أبويه إني أعدي
لا استعجل في طريق وأخطي
فرضيت بطريقي يكون سلم
كان جايز
مستني المسرح يوم يفتح
وأمثل دور تمثال
مركون ف دولابي
وفوق منه أوراق بالكوم
أو يمكن أنا لما وقعت
كان نفسي أأقوم
كان جايز
التوهه ف قلبي بتتمخطر
أو جايز
الحب في قلبك كان أخطر
فخسرت حياة
كان جايز
قلبي اللي عشقكم
كان عايز
ما يقولش الآه
دلوقت أكيد أني خسرت
ومستني لبر أو طوق لنجاه
في مراهنه شريفه مع حلم
أنا توهت معاه
كان جايز
الحلم اللي حلمته
كان أصلا يوم معُناه
فأخترت أعيش مع نفسي
واما أسمع صوت أحلامكم
أدعيلكم وأفرح لكلامكم
وأقول الله
