بقلم بسام الرخاوى
وجع القلب
أااه من وجع القلب
والحزن في كاسه اتصب
ياوجعي من كلمة حب
كسرتني
خذلتني
جرحتني
بكتني
حتي في فرحي وجعتني
ودي اكيد قصداها
وكمان من جواها
تكسر قلبي بأساها
اعمل ايه ياربي معاها
هيا ليا الملجأ وانا نجاها
ياترى أكمل
ولا اسيبها للدنيا وهواها
حزين قلبي مكسور معاها
مظلومه
وحيده
ملهاش حد في دنياها
لكن عنادها والغرور
ملازمينها كأنهم دواها
وللاسف
بنصح كتير
والنصائح منها تطير
وقلبي عليها يغير
ماهو مغرم بحبها
وكمان أصبح أسير
لكن مع الاسف
وجعت قلبي كتير
ودي الحكايه
دي حكايه قلب موجوع
حب بإخلاص
ودي كانت طريقة الرجوع
اهانه ومذله
كسره وجروح
من جواها تقسي عليا
وانا من اساها حزين
تقسي عليا وأقول يلا
ماهي ملهاش غيرك
وانت لك مين
عشت طول السنين
اداوي في جروحي
واسمع منها الاسي
واقول هيا روحي
