آدب وفنون

بلاش الحب يندهلك

شاعر البرلس: ياسين العطوى 

يا مقتول ف عز الظهر

ومغلوب علي أمرك

بلاش الحب يندهلك

وتشرب تاني من خمرك

طلعت النخل لعينين

بتجني الحزن من تمرك

ولسه مصدق الحب

ولسه الجرح بيضمك

وتحكي لكل مجروح

وناسي الغاليه دي أمك

وحضن غريب بيسمعلك

وقلب قريب بيخمك

وليه مرتاح مع موتك

وليه مدفوع ف جبروتك

وعامل روحك ولا همك

بتكدب ليه علي نفسك

ولسه الحزن جواك

بياكل فيك ويهواك

كأنه حبيب من سنك

بلاش الوهم يرميك

فتعشق عين بتزمك

فترحل روحك الصافية

مع كداب خان ظنك

فتلقي دموعك الحره

علي الابواب بتضمك

وكل الناس بتحب

لكن الصدمه موجوده

ف ناس بيقولوا من دمك

وكل الناس هتفارق

ومين ف الحزن هيضمك

 

 

 

 

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى