مقالات

 جبر الخواطر

أشرف الجندى

مستشار التدريب بالجريدة

 جبر الخواطر النهارده هنتكلم فى موضوع كبيير قوي كلنا محتاجينه .وهو جبر الخواطر وفايدته لكل بنى آدم .خصوصا فى العصر ده اللى مليان مخاطر الموضوع. ببساطه اننا محتاجين نفتح حساب عند ربنا ونسميه حساب العنايه الالهية .ونملاه بالرصيد كل ما تيجى الفرصه لاننا محتاجينه قوي . الحقيقه دايما بنسمع عن حد عمل حادثة كبيره ولولا تدخل العنايه الالهيه كان زمان صورته محطوط عليها الشريط الاسود اللى بيوجع القلوب . ياتري ايه اللى نفعه فى الحادثة دي. مفيش شك انها العنايه الالهيه اللى خلت ايد الرحمن الستار تحفظه من موت محقق بمشيئته طبعا. ياتري سالنا نفسنا اشمعنه هو ا.كيد الشخص ده عنده رصيد وهو اللى نفعه باذن ربنا طبعا. وانقذ حياته فى لحظه الدنيا كلها متقدرش تعمله حاجه لو اجتمعو جميعا معقوله الكلام ده .ايوه معقوله طبعا وبدون ادنى شك .ده حتى انا متاكد ان الجمله دي بترن فى ودن كل واحد فينا اللوقتى وهي من سار بين الناس جابرا للخواطر أدركه الله فى جوف المخاطر ايوه ذي ما بقولك كده مفيش حد مسمعش الجمله دي قبل كده .لكن هل بنعمل بيها .اكيد مفيش حد فينا مقابلش موقف يعمل فيه العبادة العظيمه دي كلنا بنقابل مواقف وناس ينفع نجبر بخاطرهم حتى ولو بكلمه ممكن تملي رصيدك فى بنك العنايه الالهيه .وفى وقت الشده هتسحب من الرصيد ده وهو اللى هينفعك بدون شك . تعالو نفتح الحساب من النهارده لو مكناش فاتحينه. والاجراءات سهله جدا. لو قابلت واحد غلبان متحسسوش بغلبه ارجوك .وانزل شويه وحسسه انه انسان من غير ما تبالغ. عشان متجيبش نتيجه عكسيه اجبر بخاطره بمساعده ولو حتى بسيطه. متزعلش اختك منك وتكسر بخاطرها قدام جوزها. متزعلش طفل صغير بكلمتين يكسروه وهو لسه اخضر. وتتسببله انه يحس بالم يمرضه نفسيا طول العمر .وتبقى انت السبب متتشطرش علي حد غلبان بيبيع حاجه عشان ياكل ولاده .يابخت من كان ذكاه فى بيعه وشراه ذي ما بيقولو. لما صاحبك اللى ما بيعرفش يرتب الكلام ذيك يتكلم متتريقش عليه وتسخر منه .حتى بينك وبينه .لو امك وابوك عايشين وكبار فى السن اكيد هيعملو حاجات هتدايقك من غير مايقصدو. ارجوك متكسرش خاطرهم وتلومهم .اوعى تعمل كده اوعى تعمل كده عشان متكونش من الخسرانين فى الدنيا والاخرة .متكسرش قلبهم اللى زي القزاز مش هيتصلح تانى. اجبر خاطرهم وطبطب عليهم دول بقو ذى الاطفال اللى محتاجين حنيه وعطف. ما هما ليهم رصيد كبير عندك ياما طبطبوا ودلعو فيك. كلنا عارفين نجبر الخواطر اذاي لانها فطره موجوده فينا جميعا. سيب نفسك انت بس للخير وهو هيطلع لوحده. مش هفكرك تانى اشحن رصيدك اللي هينفعك فى وقت ضيقك واجبر الخواطر لنها عبادة عظيمه هتخلق الحب والموده بين الناس من تاني وهيبطلو يحقدوا عليك ويحسدوك وانت مش ناقص اظن الرسالة واضحه . والى اللقاء فى مقالة اخري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

شاهد أيضاً
إغلاق
زر الذهاب إلى الأعلى