مقالات

الرجوله وتعريفها من وجهة نظر الرجل والمرأة

أشرف الجتدى

الرجوله وتعريفها من وجهة نظر الرجل والمرأة كمان قصدك ايه بالكلام ده ؟ ان في اختلاف في المفهوم لكل واحد ايوه بدون شك الستات شايفين الرجوله خلطة كده سهله وبسيطه لكن مش موجوده غير عند العطار والمفروض انها تدخل تقول للعطار من فضلك اديني ربع كيلو امان علي تمن كيلو اهتمام علي عشره جرام احتواء وبخمسه جنيه رومانسيه من بتوع زمان واتوصي وعليهم ذرتين تضحيه وحطهم في علبه شيك اسمها الأسلوب والذوق والرقه والايتيكيت ومتنساش اهم حاجه الشخصية القوية و الي تقدر تتحمل المسؤولية الماديه والعاطفيه والاجتماعيه وتواجه مصاعب ومشاكل الحياه بكل أشكالها ويعرف امته يبقي ديمقراطي وأمته يبقي اوتوقراطي وأمته فري ولارج وده باختصار معني الرجوله بالنسبة للست اما بالنسبه لرجالة العصر ده فمهفوم الرجوله عندهم تلات حاجات اولهم انا بنك مصر انا ضد الكسر انا عنتر زماني ومكاني وملامحي لبناني ومحدش يقدر يقف قدامي ولازم تسمعي كلامي لاني سابق عصري واواني ولو مش عجبك اتجوز عليكي من الصبح يا اماني ده مفهوم الرجاله للأسف عن الرجوله بالبلدي كده يا اخواني هل ده ينفع في العصر اللي احنا فيه ده يا عم هاني يا اناني ولا نهدي كده ونفهم الأمور من غير تعصب ولا كاني لا وماني اخواني الرجالة المحترمين فاهمين لن الزهور ذي الستات لكل لون طعم ومعني وداده دودي للأولاد من غير ما تشتكي وتصدعنا وتكون كمان ست الستات من كل لون رقص ومغني ممنوع تريح أو حتي تفصل وتمشي بس علي دماغنا بس بس ستوب ايه يا عم اللي بتقوله ده متظلمش الرجالة الملايكه الطيبين بالعكس دا الرجاله معجونين بالرومانسيه بالطشه والتقليه ومنقوعين في تتبيلة الرحمه والإنسانية دي حتي الراجل بيساعد زوجته في شغل البيت وكل شويه يجبر خاطرها بكلمتين شكر عشان تحس بالتقدير وتواصل العطاء وبيصحي من النوم يبتسم في وشها حتي لو تعبان ويقولها صباح الخير يا مس ايجيبت وببتصل عليها يقولها بحبك وعاوز اطمن عليكي كل اما وقته يسمح وبيكبر بيها قدام أهله والناس ومش بس كده ده حتي لما بتتعب بيقف جنبها وقفه جبل في ضهرنا واحساسها انه سندها وبطل حكايتها للنهايه ولما بيتزعل منه بيحتويها ويطبطب عليها ويحاول يفهمها بهدوء من غير زعيق عشان يحل المشكله ويرضيها وحاجات كتير الراجل المصري ابن الأصول متعلمها وبيعملها مع الامانه اللي مستلمها من الناس الطيبين اللي وعدهم بأنه هيصونها ويسعدها بكل طاقته ومش هقول انه كمان هو المسؤول عن سعادتها بصفته قائد البيت بالفعل مش بالكلام وفكرة سي السيد دي انتهت من زمان لأنها ظلم واكل حقوق انسانه كل ذنبها انه وافقت تتجوز من الراجل الاصيل ده وباختصار اعمل الأصول يابن الأصول واللي تتمناه لاختك حاول تكون شبهه علي قدر استطاعتك عشان هتتحاسب علي الأرواح دي اللي انت قبلت تشيل امانتهم لما لما بقيت راجل ملو هدومك والي اللقاء في مقاله أخري

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى