تحليل للاحداثتقارير وتحقيقاتحوار

مكالمة سرية مسربه

رؤيه

أشرف الجندى

-الو السلام عليكم اذيك يا امي 
وعليكم السلام ورحمة الله مين معايا
-احنا أحزاب مصر خير يا بني في حاجة والا ايه ؟ -احنا بنكلم حضرتك عشان نقولك احنا جاهزين وبكل امكانياتنا عشانك ونعرفك اننا فى ضهرك وهنعملك كل حاجه حلوه كان نفسك فيها ياااااااااه لسه فاكريين يا احزاب تطلبونى تتطمنوا عليا دا انا جوايا عتاب كبيير قوي عليكم لكن الحمد لله ابنى وحبيبى مش مخلينى محتاجه لحد .ابنى وحبيبى محرمنيش من حاجه ورافع راسي في كل حته ابنى وحبيبى وقف وقفة اسود لما الكل كان بينهش فى لحمى وكانوا عاوزين يقطعونى تقطيع وكل كلب ياخد حته .هقولك ايه ولا ايه ده انا لو قعدت احكيلك قرون مش هيكفى. اقولك على عمله ابنى الحنين البار بيا .ابنى الاصيل خد كل السهام فى ضهره وصدره وهو بيدافع عنى وانا مريضه ومش قادرة اقف علي رجلي ستين سنه نايمه فى سريري مشلوله وصحتى وتعليمى وطرقى ومصانعى تحت الصفر واقتصادي من دقنه وافتلو ابني وحبيبى الله يحميه ويحفظه عالجنى ورجعنى شباب ورفع راسي وشالنى فى ازمتى ابنى العزيز الاسد بنى جيشي وخلي كل ندل يفكر مليون مره قبل نفسه تسوله يبصلي بعين رضيه ابنى عملي طرق ما اتعملتش من ٢٠٠ سنه عشان يريحنى. ابنى وحبيبي زرعلى مليون ونص فدان وخلانى اكل من زرعى ومحدش يكسر عينى . نورعينى زرعلي 5 مليون نخله عشان يبعت للعالم رسالة شموخ للنخل اللى طارح خير ويفتح مصانع ويصدر وياكل العالم. ابنى قالى حقك عليا يا اما مش هحوجك لحد تانى ابدا يا زينة البلاد يا عزيزه وقالي اللي هيقربلك هشيله من على وش الارض ابنى الاسد بعت ولاده لسينا يصطاد الفيران اللى كانت مفكره انى ضعيفة ومقدرش عليهم وعملي انفاق تعمر سينا الحبيبه اللى رجعت بعد ما اتروت بدم ولادي ااااااااااااااااااااه اقولك ايه ولا ايه اقولك ان النور كان بيقطع عليا بالايام وابنى قاللى والله ما يغمضلى عين الا لما انورهالك وانور البلاد اللى حواليكى كمان عشان يبقى خيرك على الكل يا كبيره .ابنى دور تحت الارض وتحت الميه عشان يطلعلي غاز يسترنى وما احتجش لحد ابدا .ابنى الحنين عملي حاجات تنفعنى لميت سنه قدام .قالى البيت ده ضيق عليكى والله لاوسعهولك وابنيلك بلاد وبلاد عشان تكفيكى وتكفى ولادك وناخد راحتنا ابنى عمر وعمر ابنى زرع وحصد ابنى صنع وصدر ابنى صالحنى على جيرانى فى كل حته وانا راسي مرفوعه وكرامتى فى السما ابنى ملى حصالتى فى البنك المركزي دولارات بالمليارات تسترنى وترفع درجتى بين اقتصاديات العالم بالعلم مش بالارتجال .ابنى بيسارع الزمن عشان يأمنلى معلوماتى وبيقولى دى حاجه اسمها الامن السيبراني وبيعملي حاجات غريبة اسمها البلوك تشين عشان نعرف نتعامل مع الدول المتقدمه وما يضحكوش علينا وياخدو فلوسنا ابنى مؤدب ونزيه ومبيسمحش باي فساد لان مفيش حد كاسر عينه وحالف لينضفها من تحت لفوق .ابنى حر ومبيسمحش لحد يتجرأ عليا ابدا وابنى بيجري على اي حد من ولادى بره مصر وجوه يشوف مشكلته ويحلهاله عشان يقوله انت ليك اهل بيسالو عليك يا نور عنينا . ابنى ييحفر فى الصخر يطلع خير من كل حته ابنى مبينمش لانه حالف يروح يغير اسمي ويكتبه مصر العظمي عشان كل واحد يلزم تمامه ودايما يقولي هو انتى شوية ولا ايه يا امي . ابنى فى الازمه وقف راجل وجاب رجالته الفاهمين الدارسين اللي عندهم علم وقالهم مفيش وقت .يالا يارجالة نسابق السنين ونعوض اللى فات .يالا اعملولى خطط تفوت فى الحديد وتنفع للعمر وبعتهم فى كل حته يعمروا ويبنوا .وكل اما اساله هتعمل كل ده اذاي يقولى متشليش هم دا احنا المصريين الجدعان الرجاله . تحبى اوريكى الرجوله اهم حفرو قناة سويس جديده فى سنه بفلوسهم من غير ما يمدوا ايدهم لحد .امال ما عاش ولا كان اللى يكسر عنينا تاني. ابنى قالي والله لوريكي اللي عمرك ما شفتيه واخلى الكل يشاور عليكى يا مذكورة فى القرآن ومحميه بعين الرحمن تحب اقولك كمان ولا كفايه يا بنى .اقولك كفايه عشان ما نحسدوش لان اللى ذي ابنى ده عزيز مصر ما بيتكررش فى زمن عز فيه الشرف ادعوله ربنا يحميه ويحفظه اللهم امين
قولي يابنى كنت عاوز تقول ايه ؟ ياااااااااااه كل ده دا انت شايله مننا قوي وعندك حق والله وما اقدرش الومك لكن انا عاوز اقولك اننا كمان ولادك ولسه الخير موجود فينا لاننا مرويين بمية النيل ذي ابنك الاصيل وايد لوحدها متسقفش يا ست العارفين. احنا معاكم وهنكمل وراكم. احنا قعدنا ودرسنا كل حاجه بالعلم والمعرفه وجهزنا الرجاله المخلصين الوطنين اللى اتربوا من خيرك وعارفين يعنى ايه ام اسمها مصر. الكلمه دى بترن فى ودانا كلنا تكهربنا وتخلينيا عاوزين نموت نفسنا عشانك يا ام الدنيا. احنا هنمشي فى ضهر ابنك ونكمل معاه عشان ميتعبش لوحده دا اللى عمله مش شوية اللي نعرفه واللى منعرفوش. احنا ولادك الجدعان يا مصر احنا مكملين مع الامين. اقولك على حاجه احنا تعبنا زيك من كبت السنين ونفسنا نحس بشوية حريه لكن حرية مسئولة يعنى عارفين اللى لينا واللى علينا. قوانينك فوق راسنا وهنتطورها كمان وكمان عشان تمشي مع اسمك الجديد وهنتطور خطط التمنيه المستدامه اللى تنفع اجيال ورا اجيال عشان ده حقهم علينا وواجبنا يا ام الدنيا. احنا مش جايين نقولك كلمتين ونطلع فى الصورة. لا احنا اتعلمنا من اخطاء غيرنا وعرفنا خلاص ان ولادك بقوا فاهميين ووعيين فى السياسه ومعدش حد يقدر يضحك عليهم تاني بكلمتين وشوية مساعدات لاستغلال الغلابه وغسل دماغهم. لان ابنك علمنا خلاص ان العمل هو الدليل للحب والولاء. هو فعلا صعبها علينا قوى. لكن احنا اتعلمنا الدرس كويس وقولنا لازم نجري وراه ونلحقه ونقوله احنا جاهزيين يا قائد ومعاك نشيل معاك الشيله اللى تقلت عليك قوي احنا جبنا معانا ادواتنا ورجالتنا ومنظمين كل شيء بعد ما اتعلمنا يعنى ايه ادراة استراتيجيه عشان نقضي على البيروقراطيه والتخلف. احنا جايين عشان نغير نعمل هيكله جديدة لكل حاجه. هما يعنى الدول المتقدمه احسن مننا فى ايه. ده حتى عقولنا اللي ساعدتهم فى كل حته يطوروها وانت ست العارفين ولادك مشرفينا فى كل حته اذا كان فاروق الباز ولا هاني عازر ولا مجدي يعقوب ولا زويل مع حفظ الالقاب ده احنا تاريخ ولسه هنبنى تاريخ جديد. ياللى عمرك 7000 سنه واحنا فاهمين ده ومستوعبينه كويس. احنا هنعمل اهم حاجه. احنا هنبنى المصري من اول وجديد مصري حر بمسؤليه. مصري واعي وعارف قيمه نفسه .مصري سلاحه العلم والمعرفه. مصري يعرف يصنع تكنولوجيا ويصدرها. مصري معدش هيضيع وقته عشان يروح يخلص مصلحه في بنك ولا مكان خدمات. مصري بيخلص مصالحه كلها من على جهاز كمبيوتر. مصري نزيه مبيخدش رشوه ولا اكراميه ولا يعرف محسوبيه. مصري قاعد فى امن وامان .مصري شبعان باقتصاد محققله اشباع لاحتياجاته عشان موارده بتستغل صح وبشكل مدروس. مصري حاسس بالعدل فى دولة مؤسسات. مصري حاسس بالمساواه منك يا امي الحبيبه. مصري مبيمدش ايه لحد تاني. مصري بيحترم المرأه وعارف انها شريكته فىكي يا امنا الحبيبه. مصري بيحترم جيرانه ومبيعتديش علي حد. مصري بيفتخر بيكي فى كل حته. احنا مش هنسيبك الا لما نكمل اللي عمله ابنك البار الامين. الموضوع معدش فيه هزار ولا وقت نضيعه. احنا عارفين يعنى ايه كلمة نكون او لا نكون. دا انت شيلتى فوق كتافك هم سنين .والله ما هنسيبك الا لما نقف جنبك والعالم كله يشاور علينا ويقول. دي طلعت ام الدنيا بجد مش من فراع. احنا جايين نستسمحك عشان تدينا فرصتنا ونوعدك معدش فيه شغل شعارات ولا ارتجال فيه علم مدروس وفيه ابحاث جاهزه ومش هنقف لحد ما نتطور كل حاجه لاننا عارفيك كويس وعارف انت عاوزه تبقى فين لاننا قعدنا ندرس الفجوة قد ايه واختارنا كوادر جاهزه باستراتيجيات وبرامج وآليات تقفل الفجوه دي ونوصلك لبر الامان وميهمناش تعب سنين لانك غاليه قوي علينا يا ست الكل احنا فى كل حته موجودين ولادك الجدعان لبسو لبس الشغل ونزلو الميدان لان العمل هو السلاح الحقيقي والله ما هنسيبك الا لما تخدينا فى حضنك من تاني وتتشرفي بينا بعد ما نرفع راسك يا غاليه مش هتكلم واقولك احنا عملنا ايه الفتره اللي فاتك فى هدوء لان ابنك علما اننا منتكلمش كتير ونشتغل فى صمت. لكن كل اللى اقدر اقولهولك. احنا لازم نرد الجميل لاننا منك وليكى .لاننا من غيرك ولا حاجه ويالا بقى اسيبك عشان ورانا شغل كتير فى كل حته علي ارضك. لاننا مبنفرقش بين اي مصري ومصري تانى علي ارضك لاننا ضد العنصريه بكل الاشكال .كلنا ولادك ومنهجنا واحد وهدفنا واحد وهو الرخاء والامان لكل مصري علي ارضك. والعزة والشموخ لكل مصري بره ارضك يا غاليه. تعيشي يا مصرحره اصيله وشعب اصيل ويعيش اولادك سفرا لمصر يزيد امجادك ويهنوكى ويخلوكي تسبقى كل الدنيا يا مصر مصر مصر مصر مصر مصر تعيشي يا مصر مصر مصر مصر مصر مصر تعيشي يا مصر مصر مصر مصر مصر مصر تعيشي يا مصر مصر مصر مصر مصر مصر تعيشي يا مصر حرة اصيلة وشعب اصيل باني حضارة وادي النيل من الاجداد للاحفاد باقية تقول للكل دي مصر يا بلدي يا مصر يا بلدي مصر مصر مصر مصر مصر تعيشي يا مصر عشتي يا مصر وعاشوا ولادك يبنوا في مجد يزيد امجادك ويهنوكي ويخلوكي تسبقي كل الدنيا يا مصر يا بلدي يا مصر يا بلدي مصر مصر مصر مصر مصر تعيشي يا مصر

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى